Skip To Content

「細味人情」故事
放下心頭大石 80歲婆婆有覺好瞓了

「我發夢都見到石屎跌落嚟,仲整傷人要賠錢,日日心驚膽震,搞到失眠要睇醫生、食藥。」 令年屆80歲的黃婆婆「無覺好瞓」的是她居住了超過20年,位於土瓜灣鶴園街2 至4號的居所。「呢啲唐樓又殘又舊,之前樓上裝修用大鎚一揼,屋企嘅天花板就有石屎跌落嚟、牆身仲有裂痕。」

 黃婆婆居所牆身的裂縫,由天花板伸延到地下,裂縫罅位足以攝入一個硬幣,她又慨嘆說:「漏水問題都好嚴重,一落雨屋企就滴水,外牆滲水入屋內,令牆身發霉,天花板滲水都滲到變晒色。」

 經歷了60年的風吹雨打,黃婆婆的大廈外牆部分石屎已經剝落,露出鋼筋,天台的防水層亦已老化及損壞,這些一直是困擾著黃婆婆的「心頭大石」,  但黃婆婆與其他業主一直未有正視處理。大廈幾年前收到強制驗樓的法定通知,業主們仍然一拖再拖,最後更被屋宇署提出檢控。「舊樓驗樓維修好麻煩,我地老人家根本無能力應付一大筆維修費。」黃婆婆說。「我見到土瓜灣區好多幢樓都重建,就希望市建局可以早啲嚟重建我地幢大廈。」

 黃婆婆的希望終於成真了。她居住的大廈於2015年1月被納入市建局春田街/崇志街發展項目。其後,市建局於2016年5月將春田街納入重建範圍內,令項目的推行時間較原來的長。根據現行政策,市建局必須待這個項目得到城市規劃委員會的審批後才可以展開收購工作。有鑑於項目的獨特情況,以及考慮到審批項目過程需時,故市建局推出兩項「一次性」措施,一方面讓業主可以申請提前收取按項目開展日評估的自置居所津貼及相關津貼; 另外,亦推出了「一次性特別維修方案」,向業主提供技術和財政支援,改善樓宇的結構、漏水及公共地方設施等問題,使居民在等候項目審批期間可以安心繼續居住。

 

 

「多得市建局幫手,出錢又出力,令我地唔駛操心。我地唔識點做,好似請承建商咁,又唔駛擔心要夾好多錢。最緊要係整好間樓,住得安心,有覺好瞓。」黃婆婆說。「市建局職員每次都好細心同我地傾,唔嫌我地煩,耐心解釋維修嘅嘢俾我地聽,所以我地都好放心將間樓交俾市建局。」

 現時,黃婆婆住的大廈已經完成樓宇勘察工作,市建局所聘請的顧問亦已協助業主向屋宇署提交驗樓報告。稍後,市建局會跟進及處理大廈有需要修葺的地方,例如更換老化及破損的防水層、渠管和修補外牆等。黃婆婆開心地說:「現在有市建局幫手修葺大廈,又提出重建,俾我地可以提前攞補償,快啲搬間好啲嘅屋,我終於可以放低多年嚟嘅心頭大石,而家有覺好瞓了。」

 黃婆婆已決定接受市建局的補償安排,正計劃另置居所,改善居住環境。她雀躍地說:「最近忙著睇樓,希望喺九龍城搵番間無漏水、無石屎剝落、最緊要有電梯嘅單位。等我新屋入伙,我就會請一班老街坊食餐飯慶祝啦。」

 

更新日期 : 2016.11.28